TUIPHUM PAWLPI KIPATNA (THE HISTORY OF BAPTIST CHURCH)

TUIPHUM PAWLPI KIPATNA (THE HISTORY OF BAPTIST CHURCH) Tuiphum pawlpi amasa pen (the first General Baptist Church) John Smyth makaihna tawh kum 1908 in Amsterdam, Netherlands ah kipan hi. Pawlpi mite biakna kibawlsiatna hangin England pan Netherlands ah gambeel atai te ahihi. John Smyth, Church of England (Anglican) pawlpi minister khat hi-in Church of England sung ah Puritan (Church of England sung ah RC paizia a om lai te siansuahna) le Separatist (Biakna le Kumpi tuamtuak a dinna) muhna Laisiangtho siksan in puahphat ding gelna nei hi. Hih agelnate atangtun loh ciangin Gainsborough, London khuapi gei ah kikhopna (group) neu khat kipan hi. Pawlpi a gol zawkdeuh ciangin, kumpi lam kihtakna hangin kikhopna nih in kikhen-a khat Scrooby Manor, Nottinghamshire-England ah kisuan in John Robinson, William Brewster le William Bradford te in makaih hi. Hih makai teng kum 1620 Amsterdam, Netherlands pan May Flower tembaw tawh American leitang ah Colony atung masa mi (102) makaite hipah hi. Pilgrim Fathers (Biakna Pate) zong kici hi. Tua hun in England kumpi King James I hi-a Church of England pawlpi azuilote nasiatakin bawlsia hi. Kum 1607 in John Smyth makaih Gainsborough pawlte suakta tak-a Pasian biaknopna hangin English tuipi kantan in Amsterdam, Nethrlands ah hong lal uh hi. Hih hun in Baptist kici nailo hi, ahangin Church of England ngeina naupang tuiphumna zang lai uh hi. Kum 1608 in Jesu Khrist sung ah upna le thu ummi tui kiphumna tawh hong kipuahpha (reform) a Baptist kici ahihi.By Rev Thangpi