Date: 2011/11/4
Dear Mangtui vonteng,
Jesu mintawh hong hopih ing. Ih Tuimang khua pen Pasian in Khuavak apuak cil akipan tu ni-dong hong it mahmah ahihna ka mu a, kong angtan pih mahmah hi.
Ka pa Zam Za Dal khawk ah huhsia aseplai hong gen ngei, Biak Inn munding vai a, thungen a me doksak a, tua aki ngahna mun ah aki lam loh ciang aki zawh zawh asawtlo in huihpi in tua Biakinn amuut paai na hong gen ngei hi. Ahizongin tua lai pan in mesawk a aki ngahna mun atu ni dong ih lam tohtoh na te ka muhciangin Topa kipsakna mun taktak hi dingin ka um hi.
Tua ban ah, tualai mun ah Taih-inn hoih mahmah khat akizo hi ta cih zong ka za a, aki hon hunding innlam ah ih om tawh aki tuak leh ka pai nuam ngeungau a, athei ih om leh nong gen dinguh ong thum ing.
Tua ciangin, Khawm sia 1995-2002 sung kum 8 sia kasep sungin tha ka ngah penpen na Pawlpi leh U Haupu te khawng mah zong apan tah dan siam hi ding hi ven, Siampi An (Anpal ) Sakol tawh Saipimual ah ongpuak ngiat ei khua bek om ahih man-in hih Topa aw, hih Pawlpi ---Siampi thupha napia in cih cih kong thungetsakna zong ahi hi(Matt. 10:41). Topan' ong dawng in sia Ciin Sian Khai bang leitung a Theologian lak ah amin dawk zongdingin hong khai to a tha ka ngah mahmah hi. Tua lo Dr. ngah zong tampi ih om ta hi. Kong angtan pih mahmah hi.
Kei mimal in kaki sap atam mahmah hangtua te Topa tungah ap -ing. Ahizong tu nungdeuh ka khualzinna ah Topa Sathau nilh ami zat ih khua mi mah ahi ka muh khak khat ii kisapna te tawm kong pu lak nuam hi. Aki sap a ka muh pen:
1. Camera
2. Recording neute (Minutes tampi khum thei te)
3. Cell phone khat
Hih atung a teng akisam mahmah ih khua lamphum sia pa pen Rev.Lang Za Kap ahi hi. Tu tung akhak zo ding na om uh leh ken apuak tavuan kong laksak ding hi.
Thungetna ah hongphawk un,
Kei tu kal 2 sung Conference na kah ing.
Itna leh deihsakna tawh,
Rev Hen Khan Go (Gopu)
Ames, Iwoa
918-644-4231
No comments:
Post a Comment