Tuimang ZBCM-BM pawi vai khahkikna

Dear Ulenaute, Tukha ni 8 ni a khua pawi vai ka khahte group mialte ah kingahlo hih tuak mimal a te bel ngah in ong kithuk kik hi.Mante side gol a kingah lo ahih khak leh ci in man lo lai teng ong khah kik ing.A kingah kei leh a ngahten na khah sawnsak un. Sia Kap Tuimang ZBCM pawi leh Biakinn konghon pawi thu tangkona: A 14 VEINA ZBCM-BM MEETING,Tuimang Tuimang Baptist Church Biakinn konghon pawi & Jubilee pawi Thubulphuh: “A gahpha nuntakna”(Joh 15:1-8) Ani: March 22-31,2013 Amun:Tuimang Tuiphum Pawlpi,CTBA Theih huai thu tuamtuam: 1. 22-3-2013 zintun ni-in khuazang bup in ngeina lam tuam2 tawh zin dawnna nasia takin ki nei hi. 2. Zin phazah: 1200, Ganpi kigo -14, Vok-3, Ak- 70, Aktui tang-600 Pawisimte zat Mawtaw -9, Circle bel kisim zolo phial in tam hi. 3. Zintunna mun: Delegate te: Sanginn thak thatnih Siapi deuhteng(OC) tunna: Pawlpi zum, Anpiakna : Biakinn nuai Rev.Dr.Gin Khan Khual tunna: Sang Siapinu inn Pu Cin Sian Thang(ZCD President) tunna: RC te zum 4. Annekna mun: Sanginn Anhuanna,sagawhna mun: Sanginn maiteng 5. Hunzang Siate: 1.Rev.Dr. Gin Khan Khual GS,ZBCM, nitak 3 sermon 2.Rev.Pau Khan Khai President,ZBCM,Jubilee mualsuang honna& Jubilee ni sermon (30-3-2013), nitak 1 sermon 3.Rev.En Khan Hau,Biakinn kong honna &Biakinn konghonni sermon(31-3-2013) 4.Rev.Hen Khan Go Mission President,ZBCM nitak 1 sermon 5.Rev.Langh Za Kap,GS –ZZBA nitak sermon 6. Good Friday& Thawhkik bawlna Topa Jesu sih ni nitak lam nai 3:30 in Biakpiakna Rev.Dr.Gin Khan Khual in ong makaih a,Siampi te in siampi puan silh in nekkhawm ki ne khawm a, tha kingah mah2 in ong nehno sak,Jesu sihna a thak in ong phawksakkik hi. Thawhkikni zingsang nai 5:00 hunin biakinn ah Topa Jesu thawhkikna dawn in biakinn dim in ki pai a,Rev.Dr.Gin Khan Khual leh Rev.Pau Khan Khai in ong makaih uh a, thawhkik vangliatna hauhna,damna,vangliatna,gualzawhna,daupaina,innlelo neihna,motor neih nang cih bangin thupha kidawh ciat hi. 7. Jubilee vai: 30.3.2013 Jubilee ni-in Jubilee Mualsuang honna Rev.Pau Khan Khai in ong nei in mualsuang mai ah ngeina lam kilaam in tha kingah lua in a lai ah a laam mi ki lut ziahziah hi.Jubilee late pulpit nuai nung ah kitu sakin melkilahna leh Jubilee late tangthu simna Pawlpi Senior Pastor Rev.Zam Sian Piangin ong sim in mipi nuihna dingin ciamnuih tuam2 tawh gen in kicim hetlo hi. Jubilee late: 1.Pa Langh Khan Khup (Topa Zeisu kum 2013 cin Jubilee), 2. Pu Dam Khua Thawng(Piankum 93 Daimond Jubilee), 3. Pi Ngiak Dah Cing( Tuiphum zawh kum 64 Daimond Jubilee), 4.Pi Ot Khan Dim (Piankum 75 Daimond Jubilee), 5. Pu Gin Khua Thang (Piankum 75 Daimond Jubilee), 6. Pa Dam Khan Pau ( Piankum 72 Daimond Jubilee), 7. Pu Dam Khan Nang( Piankum 72 Daimond Jubilee), 8. Pa Dai Khen Pau (Tuiphum zawh kum 43 Luky Jubilee) , 9. Nu Hau Sial Niangh (Tuiphum zawh 40 Ruby Jubilee), 10. Sia Dai Hang ( Tuiphum zawh 36 Coral Jubilee), 11.Pu Cin Zen Pau (Kum 83) (Innphiat zawh 25 Silver Jubilee),12. Pa Go Kam le Nu Hau Khan Cingte nupa (Tapidaw suah zawh kum 28 Silver Jubilee), 13. Pa Zam Sian Thang (Nupa kiten zawh Kum 29 Silver Jubilee), 14.Sia Tuan Za Khup (Nupa kiten zawh kum 22 China Jubilee), 15. Bo Khen Kap Langh (Nupa kiten zawh kum19 China Jubilee) 16. Pastor Zam Khan Lian (Pasian nasep zawh kum15 Crystal Jubilee), 17. Pa Dai Ngaih Lian (Nupa kiten zawh kum14 Nistal Jubilee), 18. Sia Cin Za Mang (Nupa kiten zawh kum 11 Tin Jubilee) 8. Biakinn konghonna: Biakinn konghon ni-in mipi khen 2 kikhen in otna kibawl hi.UPC biakinn sak pan khen 1 nate, Mangbuk sakpan khen 2nate a thuang a thuangin kipai in ki awng ziahziah hi.Biakinnpi mai ah kituah in Biakinn konghonna phecu atna leh Kongpi honna Rev.En Khan Hau in ong nei hi. Biakinn sung panin mi masate,ong nusiasa makaite phawkna leh zahtakpiakna kinei in khitui mualtuang tekin ki om a,tua khit ciang Biakinn lam nading nupi 12 hiam khat in a sam uh tan in a kipiak khiatna uhleh tui haksatna mualtungah Biakinnpi dingta cih Sia Dai Hangin laphuak in Zodamtui ten hongs a uh a,nupi samtan a om theite kidding sakin mipi khempeuh kikap ciat in mipi ong zo mahmah hi.Etteh huai thugentehna ding khat suak hi.Tui haksatna mualtungah Topan taihinn Building biakinnpi hong piak mahmah nakpi lungdam huai mahmah hi. Biakinn konghonna gangote: 1. Pa Langh Khan Khup, 2. Nu Nem Khan Cing, 3. Pa Kam Khan Dam 4. Sia Thang Suan Zaam Cikha, 5. Pa Khual Suan Piang, 6. Sia Piang Do Mang , 7. Pa Nang Khan Thang 8. Pa Thang Khen Pau, 9. Pa Gin Khan Kap, 10.Pa Pau Khan Sing, 11. Pa Kap Khen Pau, 12.Siapi Langh Khan Suum 9. Siampi zaa piakna(Ordination): Rev.Kham Khan Suan Lamka Missionary 31.3.2013 nipi ni-in Ordination kipia hi. 10. Nasep mahialna: ZBCM Revival Palaite leh IMC Missionary te in zong 30.3.2013 nitakin nasep zawh mahialna thupi takin kinei hi. ZBCM Mission nasepna adding piak khiatna a tampen a thumna ciang mimal leh Pawlpite gambup in pahtawina leh Consultant Award Rev.Dr.Gin Khan Khualte innnkuan(UK) in pahtawina pia hi. 1. Rev.Pau Khan Khaite innkuan(Bethel Zomi Baptist Church,Kalay) Ks.700000/- 2. Pa Do Zam Thangte innkuan (EZBC,Mandalay) Ks.200000/- 3. Pastor Tual Khan Pauteinnkuan(AZBC,Yangon) Ks.200000/- Pawlpi pan 1.Bethel Zomi Baptist Church,Kalaymyo 2. Pinlong Baptist Church ,Kalaymyo 3. Agape Zomi Baptist Church,Yangon Piakkhiatna Ks. 20000/- pan atungsiahte pahtawina laipi kipia a,mi 500 val in ngah hi.Nungkumin mission field mun 19ah na kisem in tu kum mun 26 ah sepding kigeel hi. 11. Pawlpi santhak: ZBCM tawh kizom dingin UK aom London Zomi Church te in ong ngen uh a,ZBCM Pawlpi khat in kisang hi. 12. GM munding: 2014 kum ZBCM-GM munding Cikha Local Baptist Church,Cikha,CTBA hi ding hi. 13. Zindodan leh biakpiakna tha ngahna: Zindo dan nasia mahmah hi.Papi ten sahuan, nupi ten anhuan,kuangsawp ,khangnoten anpia ziahziahhi.Tui haksatna hangin zinte Vaivet leh luangel lui ah Circle tawh kisil in pai zel a, Pawl khat te khat vei bek kisil in a ciah kik tam hi. Tui lo buang zin do dan tua ci zaw deuh leh cih omlo hi.Hih theih tawp in pilna siamna hatna sit het loin na kisem a,Topa Jesu in,na Topa Pasian na lungsim khempeuh, na nuntakna khempeuh, na pilna khempeuh, na hatna khempeuh tawh na it in a cih ka phawk a, ih hihna khempeuh tawh I itna I lahna hi cih ka phawk a, Pasian zong a lungkim mahmah ding in ka um hi.Pasian in nidang sang in i khua thupha ong pia zaw tham lai ding hi.Thupha kong honna pawi taktak hi ding hi. Kikhop sim in kha nasepna nasia thei mahmah a, Kha Siangtho kibua in khitui naptui tawh Pasian kiang kizuan ciat hi. Thugenten lah thangah a ngai ten lah tha ngah zan nai 11,12 ciang2 bang kikhawm den hi.Lasiam Mary Lunte unau (Haiciin),Cikha action groupte,Lasiam la khum thak Suan Mung(Tuimang),Lasiam Khaipu(Tuimang),Tuimang Zodamtuite,Tuimang nupi action group 2, nungak action groupte,RC action group,UPC nupi lasiamte leh mimal khua tuam2 panlasiamte,Nupipapi ten ngeina laam namtuam lak inkizai ziahziah a ,Lasa te lah siam thei mah mah in salah kikham kha lam taksa lam mit bil kitai mahmah hi. Hih bang ciang a ma I pan zawhna pen gamdang a omte hanciamna,khua a omte thungetna leh veina, kithutuahna thu kimanna hi cih a kuamah peuh in hong gengen uh hi.Khua dangpapi khat in Tuimangte naupang khat thu in ta diamdiam uh hong ci hi.(Hausapa Dai a naupang a sa uh hi) 13. Tuimang ah A lamdang etteh huai thu 2: 1. Biakinn lam nading nupite samtan a piakkhiatna 2. Topa Jesu Jubilee kilaksakna Rev.Dr.Gin Khan Khual in Tuimangte kiniamkhiatin kha lunggulh mahmahin kidawhna nasia lua ahih manin uipi na ngawn in thugen leh ki khanglo kilawhcing veve in teh ci hi. Pawi tawh kisai a mapanna khempeuh Topan ong mu in ong theihpih taktak ding a, I mapan na zui-in Pasian in a zah tampi thupha ong pia ciat ta hen.Minthanna khempeuh Topan tang henla,a thupha in Tuimang tate tung leh khua leh tui ah ong om tawntung ta hen.Amen Hihte pen keimuhna leh ka phawk khak teng hi-in a kip hawk kha lo a thupi tampi om lai ding a I pulak khak lohte leh pulak khialhna a om leh kimaisak ni. Thu tangko: Rev.Langh Za Kap